Home Astrology ડાકોરના ઠાકોરનું મંદિર 18મી જૂનથી સ્થાનિકો માટે શરૂ , જાણો બહારનાં કઇ...

ડાકોરના ઠાકોરનું મંદિર 18મી જૂનથી સ્થાનિકો માટે શરૂ , જાણો બહારનાં કઇ તારીખ પછી દર્શન કરી શકશે

46
0

કોરોના વાયરસના સંક્રમણની ભીતિને કારણે મોટાભાગનાં મંદિરોને બંધ કરી દેવામાં આવ્યાં હતા. જે હવે ધીરે ધીરે ખુલી રહ્યાં છે. ડાકોરનાં રણછોડરાયજીનું મંદિર પણ 18 જૂનથી શ્રદ્ધાળુઓ માટે ખોલવામાં આવશે. આ ઉપરાંત આગામી 18થી 23 જૂન સુધી ફક્ત ડાકોરના સ્થાનિકો માટે જ દર્શન ખોલવામાં આવશે.
આ અંગે ડાકોર ટેમ્પલ કમિટિએ એક યાદીમાં જણાવ્યું છે કે, ‘સરકારની ગાઇડલાઇન પ્રમાણે આગામી 18 જૂનથી રણછોડરાયજી મંદિર ખોલવામાં આવશે. દર્શન કરવા માટે યાત્રાળુઓએ હવે મંદિરની વેબસાઇટ અથવા મોબાઇલ એપથી રજીસ્ટ્રેશન કરાવવું પડશે. આ પછી દર્શનાર્થીને ટોકન નંબર રજીસ્ટર્ડ મોબાઇલમાં મેસેજમાં મોકલવામાં આવશે. જે દર્શન સમય બતાવવાનો રહેશે. આગામી 18થી 23 જૂન દરમિયાન માત્ર સ્થાનિકો જ દર્શન કરવા આવી શકશે. જેના માટે તેમને ઓનલાઇન બૂકિંગ અથવા આધારકાર્ડ બતાવવાથી પ્રવેશ અપાશે.
કોરોનાને કારણે મંદિરમાં આરતીના સમય, રવિવાર, પૂનમ, તહેવારો, ઉત્સવ, ગ્રહણના દિવસે વૈષ્ણવોનો મંદિર પ્રવેશ બંધ રહેશે. મંદિરમાં ફૂલ, તુલસી, શ્રીફળ, માળા, પ્રસાદ જેવી ચીજવસ્તુ લઇને પ્રવેશ નહીં કરવાની દર્શનાર્થીઓને સૂચના અપાઇ છે. આ ઉપરાંત 65 વર્ષથી વધુ અને 10 વર્ષથી ઓછી ઉંમરના, સગર્ભા, વ્હીલચેરવાળા, બીમાર હોય તેમને સાથે નહીં લાવવા પણ અપીલ કરાઇ છે


Previous articleબાળકોને સંસ્કૃત સંસ્કૃત માધ્યમથી શીખવવું જોઈએ: શ્રીમતી અંજુ શર્મા શિક્ષણ સચિવ, ગુજરાત સરકાર
Next articleગોંડલના અક્ષર ડેરી સહિત દેશભરમાં BAPSના મંદિરો દર્શન માટે ખુલ્યાં,

LEAVE A REPLY

Please enter your comment!
Please enter your name here