India

દેશમાં 24 કલાકમાં નવા દર્દીઓનો રેકોર્ડ બ્રેક આંકડો, ચોંકાવનારો મોતનો આંકડો

દેશમાં કોરોનાના કેસમાં રેકોર્ડ વધારો નોંધાયો છે. સ્વાસ્થ્ય મંત્રાલયની તરફથી શુક્રવાર સવારે અપડેટ આવ્યા તેના મતે છેલ્લા 24 કલાકની અંદર દેશમાં કોરોનાના 13586 નવા કેસ સામે આવ્યા છે અને 336 લોકોના મોત થયા છે. હવે કુલ દર્દીઓની સંખ્યા 3,80,532 થઇ ગયા છે.

કોરોનાથી અત્યાર સુધીમાં 12573 લોકોના મોત થઇ ચૂકયા છે. રાહતની વાત એ છે કે છેલ્લાં 24 કલાકની અંદર 10386 દર્દી સ્વસ્થ થઇ ચૂકયા છે. કોરોનાથી જંગ જીતનાર લોકોનો કુલ આંકડો 204711 થઇ ગયો છે. અત્યારે દેશમાં 163248 એક્ટિવ કેસ છે.
દિલ્હીમાં છેલ્લાં 24 કલાક દરમ્યાન 8726 કોરોના ટેસ્ટ કરાયા જેમાંથી 2877 નવા કોરોના પોઝિટિવ કેસ સામે આવ્યા છે અને 65 લોકોના મોત થયા છે. દિલ્હીમાં કોરોના પોઝિટિવ વ્યક્તિઓની કુલ સંખ્યા 49979 થઇ ગઇ છે. તેમાંથી 21314 કોરોનાના દર્દી સાજા થઇ ગયા છે અને 1969 લોકોના મોત થયા છે.

મહારાષ્ટ્રમાં પણ કોરોનાનો કહેર યથાવત છે અને છેલ્લાં 24 કલાકમાં રાજ્યમાં કોરોનાના 3752 નવા કેસ સામે આવ્યા છે. આ દરમ્યાન આખા મહારાષ્ટ્રમાં કોરોનાના 100 દર્દીઓના જીવ પણ ગયા છે. રાજ્યમાં કુલ દર્દીઓની સંખ્યા 120504 થઇ ગઇ છે. જેમાં 5751 લોકોના મોત થઇ ચૂકયા છે.

બિહારમાં કોરોનાથી સંક્રમિત લોકોની સંખ્યા ગુરૂવારના રોજ 7000નો આંકડો પાર કરીને 7040 થઇ ગયો. આ બધાની વચ્ચે વાયરસથી મરનારાઓની સંખ્યા પણ વધીને 44 થઇ ગઇ. રાહતની વાત છે કે અત્યાર સુધી 4961 સ્વસ્થ થઇ ચૂકયા છે.

Leave a Reply

Your email address will not be published.