Home Gujarat અમદાવાદ માં વધતા જતા પ્રદુષણ અને કોરોના મહામારી ધ્યાનમાં રાખીને પોલીસ કમિશનર...

અમદાવાદ માં વધતા જતા પ્રદુષણ અને કોરોના મહામારી ધ્યાનમાં રાખીને પોલીસ કમિશનર દ્વારા મોટો નિર્ણય.

23
0

અમદાવાદ (Ahmedabad)માં વધતા જતા પ્રદુષણ (Pollution) અને કોરોના મહામારી (Corona Virus)ના પ્રકોપને ધ્યાનમાં રાખીને શહેર પોલીસ કમિશ્નરે (Ahmedabad Police Commissioner) મહત્વનો નિર્ણય લીધો છે. હવેથી સવારે 8 વાગ્યાથી રાતના 9 વાગ્યા સુધી ટ્રેક્ટર (Tractor), ટ્રક (Truck) કે અન્ય ભારે વાહન (Heavy Vehicles) ની અવર-જવર પર પ્રતિબંધ રહેશે. માત્ર જીવનજરૂરિયાતની ચિજવસ્તુઓનો પુરવઠો પુરો પાડવા માટે જ ભારે વાહનોને મંજુરી આપવામાં આવશે.
જોકે RTOનામાં કામકાજ માટે આવતા વાહનો માટે સવારે 10 થી 6 સુધી જ છૂટછાટ આપવામાં આવશે. તેવી જ રીતે જીવનજરૂરી ચીજવસ્તુઓ, જેમ કે દૂધ-શાકભાજી (Milk Vegetable), ફ્રુટ્સ (Fruits), પેટ્રોલ (Petrol)તેમજ ડીઝલ (Diesel)નાં વાહનોને સવારે 9 થી બપોરે 1 અને સાંજના 4થી 9 સિવાયના સમયગાળામાં આવવા-જવા માટે છૂટછાટ આપવામાં આવી છે. અમદાવાદ શહેર પોલીસ કમિશનર સંજય શ્રીવાસ્તવ (Sanjay Shrivastav) દ્વારા એક મોટો નિર્ણય લેવામાં આવ્યો છે.
અમદાવાદમાં વધતુ જતુ પ્રદુષણ માથાનો દુખાવો બન્યું છે. તેવી જ રીતે માર્ગ અકસ્માત નિવારવા માટે શહેરમાં આવતા ભારે વાહનો એક ચિંતાનું કારણ બન્યા છે. આ સમસ્યાના કાયમી નિકાલના અમદાવાદ પોલીસ કમિશનર સંજય શ્રીવાસ્તવ દ્વારા મોટો નિર્ણય લેવામાં આવ્યો છે. અમદાવાદમાં મોટર વ્હીકલ એક્ટ અંતર્ગત કમિશનર દ્વારા જાહેરનામું બહાર પાડવામાં આવ્યું છે. જાહેરનામા પ્રમાણે, હવેથી સવારે 8 વાગ્યાથી રાતના 9 વાગ્યા સુધી ટ્રેક્ટર, ટ્રક કે ભારે વાહનોના શહેરમાં પ્રવેશ પ્રવેશી નહીં શકે. RTOમાં કામકાજ માટે આવતા વાહનો માટે સવારે 10 થી 6 સુધી જ છૂટછાટ આપવામાં આવે છે.
જોકે લાઈટ મોટર વ્હીકલ એટલે કે ટ્રાન્સપોર્ટ વાહન કે જેનું કુલ વજન 7500 કિગ્રા સુધીનું થતુ હોય તેવા તમામ લાઈટ ગુડ્સ વ્હીકલ તથા તમામ લાઈટ પેસેન્જર વ્હીકલ શહેરની અંદર પ્રવેશ કરી શકશે. આ સિવાયના ભારે વાહનને શહેરમાં અવરજવર કરવા પર સવારે 8 થી રાત્રે 9 વાગ્યા દરમિયાન પ્રતિબંધ ફરમાવવામાં આવ્યો છે. શહેરમાં પ્રવેશતા પેસેન્જર વાહનો, મિની બસ કે જેની કેપેસિટી 33 સીટ સુધીની હોય તેવી ક્ષમતાવાળા પેસન્જર વાહનો શહેરની અંદર પ્રવેશ કરી શકશે.
સુભાષ બ્રિજ RTO કચેરીના કામ માટે આવવા અને જવા માટે સરદાર પટેલ રિંગ રોડનો ઉપયોગ કરીને ઝુંડાલ તપોવન સર્કલથી વિસત પેટ્રોલ પંપ, અચેર ચાર રસ્તા, ચિમન ભાઈ પટેલ બ્રિજ પરથી માત્ર RTO કચેરીના કામ માટે આવી અને જઈ શકાશે. સરદાર પટેલ રિંગ રોડ પરના સનાથલ સર્કલથી શાંતિપુરા સીધા બોપલ બાજુથી જમણી તરફ વળી તથા સરદાર પટેલ રિંગ ઉપરના સનાથલ સર્કલથી ઉજાલા સર્કલથી સીધા ઈસ્કોન સર્કલ ચાર રસ્તાથી શિવરંજની ચાર રસ્તાથી ડાબી તરફ વળી સીધા 132 ફૂટ રિંગ રોડથી સીધા RTO કચેરી સુધી અવર-જવર કરી શકાશે.
તેવી જ રીતે વસ્ત્રાલ RTO કચેરીના કામ માટે સરદાર પટેલ રિંગ રોડનો ઉપયોગ કરીને વસ્ત્રાલ ચાર રસ્તા થઈ ફક્ત RTO કચેરીના કામ માટે આવી અને જઈ શકાશે. જીવનજરૂરી ચીજવસ્તુઓ, જેમ કે દૂધ-શાકભાજી, ફ્રુટ્સ, પેટ્રોલ તેમજ ડીઝલનાં વાહનોને સવારે 9થી બપોરે 1 અને સાંજના 4થી 9 સિવાયના સમયગાળામાં આવવા-જવા માટે છૂટછાટ આપવામાં આવી છે.
આ કાયદાનો ટુંક સમયમાં જ અમલ શરૂ થઈ જશે. ભારે વાહનોના પ્રતિબંધથી શહેરના વાતાવરણ અને અકસ્માતોમાં ઘણી રાહત થશે તેમ માનવામાં આવે છે.


Previous articleએરંડાની આવકો ઓછી હોવાનું કારણ ખેડૂતો અન્ય પાકોના માર્કેટિંગમાં વ્યસ્ત હોવાનું પણ છે.
Next articleનવરાજી જીલ્લાના ગણદેવી માં એક શાળા ખોલી દેવામાં આવતા ભારે હોબાળો મચી જવા પામ્યો.

LEAVE A REPLY

Please enter your comment!
Please enter your name here