Home International ભારતમાં ચીની જાસૂસી કાંડ ની તપાસમાં મોટો ઘટસ્ફોટ થયો છે…

ભારતમાં ચીની જાસૂસી કાંડ ની તપાસમાં મોટો ઘટસ્ફોટ થયો છે…

82
0

ભારતમાં ચીની જાસૂસી કાંડ (Chinese espionage racket)ની તપાસમાં મોટો ઘટસ્ફોટ થયો છે. સુત્રોનાં જણાવ્યા અનુસાર વડા પ્રધાન કાર્યાલય (PMO) ઉપરાંત દલાઈ લામા (Dalai Lama) અને ભારતમાં લગાવેલ સુરક્ષા ઉપકરણ પણ ચીની જાસૂસોના નિશાના પર હતા. પકડી પાડવામાં આવેલ ચીની જાસૂસી નેટવર્ક ની પુછતાછમાં સામે આવ્યું છે કે ભારતીય મંત્રાલયમાં કામ કરનાર ઉચ્ચ અધિકારીઓ અને બ્યૂરોક્રેટ્સની જાણકારી મેળવવામાં આવી રહી હતી.
ચીની જાસૂસ ક્વિંગ શીની પુછતાછમાં સામે આવ્યું કે, ચીને ભારતમાં પોતાની જાસૂસી ટીમને PMO સહિત મોટી ઓફિસોની અંદરની જાણકારી આપવા માટે કહ્યું હતું. જેમ કે, ઓફિસમાં કયો માણસ મહત્વપુર્ણ છે, કયા પદ પર છે અને કેટલો પ્રભાવશાળી છે.
રેકેટમાં સામેલ હતી કોલકાતાની મહિલા!
પુછતાછમાં ચીનના આ જાસૂસી નેટવર્કમાં મહાબોધી મંદિરના એક પ્રમુખ બોદ્ધ ભિક્ષુ અને કોલકાતાની એક પ્રભાવશાળી મહિલા પણ સામેલ હોવાની વાત સામે આવી રહી છે. કહેવામાં આવી રહ્યું છે કે, ક્વિંગ શીને આ મહિલા સાથે મુલાકાત કરાવાતી હતી અને બંને વચ્ચે સિક્રેટ ડોક્યુમેન્ટની આપ લે થતી હતી. જે બાદ ક્વિંગ તેને ટ્રાન્સલેટ કરીને ચીન મોકલતો હતો.
પત્રકાર સહિત 3 લોકો તિહાડ જેલમાં બંધ
ચીની જાસૂસની પુછતાછમાં એજન્સીઓના હાથે અમુક દસ્તાવેજ લાગ્યા છે. જે મુજબ PMOમાં સામેલ અધિકારી અને દલાઈ લામાની દરેક ગતિવિધિની જાણકારી લેવામાં આવી રહી હતી. જણાવી દઈએ કે, દિલ્હી પોલીસના સ્પેશિયલ સેલે ગત મહિને ક્વિંગ શીની સાથે તેના નેપાળી સાથી શેર બહાદૂર અને ભારતીય પત્રકાર રાજીવ શર્માની ધરપકડ કરી હતી. અને તમામ લોકો હાલ તિહાડ જેલમાં બંધ છે.
શું છે ચીની જાસૂસી કાંડ?
જાસૂસી નેટવર્કનો ખુલાસો ઓગસ્ટ મહિનામાં ચીની નાગરિક ચાર્લી પેંગ ઉર્ફે લુઓ સાંગની ધરપકડ થઈ હતી. તે બાદથી જ તપાસ એજન્સીઓ ચીની જાસૂસી નેટવર્કનો પતો લગાવી રહી હતી. દિલ્હીમાં આઈટી વિભાગની રેડ દરમિયાન ચીની જાસૂસી રેકેટનો ભાંડાફોડ થયો હતો. ત્યારે પણ એ સામે આવ્યું હતું કે ચાર્લી પેંગ તિબ્બતી બોદ્ધ ગુરુ દલાઈ લામાની જાસૂસી કરી રહ્યું હતું.


Previous articleબિહાર વિધાનસભાની ચૂંટણી માં ટક્કરનો મુકાબલો થયો જણાય છે.
Next articleકોરોના મહામારી વચ્ચે IPLની 13મી સીઝન દુબઇ માં ચાલી રહી છે જ્યાં કિંગ્સ ઈલેવન પંજાબ ની માલિક અને અભિનેત્રી પ્રીતિ ઝિન્ટા પણ ટીમ સાથે હાજર છે.

LEAVE A REPLY

Please enter your comment!
Please enter your name here