Home South-Gujarat અંકલેશ્વર ના આર્યુવેદીક ડોક્ટર ખેડૂતે પંજાબ ના કાળા ઘઉં ની ખેતી...

અંકલેશ્વર ના આર્યુવેદીક ડોક્ટર ખેડૂતે પંજાબ ના કાળા ઘઉં ની ખેતી કરી

62
0

વ્યવસાયે આર્યુવેદીક ડોકટર ખેડૂતે પોતાના ખેતર માં કાળા ઘઉં ની ખેતી કરી
કાળા ઘઉં આરોગ્ય માટે ફાયદાકારક

ભરૂચ જીલ્લા માં ખેતી ક્ષેત્રે ખેડૂતો અવનવી ખેતી તરફ ડગ માંડી રહ્યા છે વૈજ્ઞાનિક ઢબે ખેતી કરતા ખેડૂતો ધાન્ય પાક ની સાથે અલગ જાત ના ધાન્ય નું વાવેતર કરી અન્ય ખેડૂતો માટે પ્રેરણારૂપ બન્યા છે ત્યારે અંકલેશ્વર માં આર્યુવેદ ડોકટર ના વ્યવસાય સાથે સંકળાયેલા એક ખેડૂતે પોતાના ખેતર માં અન્ય ઘઉં ની સાથે બ્લેક ઘઉં ની ખેતી કરી સફળતા હાંસલ કરી છે
ખેતી ક્ષેત્રે ખેડૂતો અવનવા પ્રયોગો કરી મબલક પાક ની સાથે સારી ઉપજ પણ મેળવી રહ્યા છે તો આપણા ગુજરાત માં ઘઉ ની ખેતી ખુબજ પ્રમાણ થતી હોય છે તેમાં ખેડૂતો વિવિધ વેરાઇટી ના ઘઉં નું વાવતેર કરી રહ્યા છે પરંતુ આજે આપણે એક નવી વેરાઇટીના કાળા કલરના ઘઉં વિષે વાત કરવાની છે અને ઘણા ખેડૂતો ને એક પ્રશ્ન મુંજવતો હોય છે કે આ ઘંઉ થી નુકસાન થતું હશે કે નહીં ત્યારે આ કોઈ હાબ્રિટ વેરાયટી નથી તેથી કોઈ નુકશાન થતું નથી.
અંકલેશ્વર માં રહેતા ઈશ્વરભાઈ પ્રજાપતિ વ્યવસાયે આર્યુવેદીક ડોકટર છે તેઓ ડોકટર ની સાથે ખેતીના વ્યવસાય સાથે સંકળાયેલા છે પોતે ખેડૂત હોવાથી પોતાના ખેતર માં પરંપરાગત ખેતી ની સાથે અવનવા પાકો ની ખેતી કરી રહ્યાં છે તેઓ અગાઉ પંજાબ ગયા હતા ત્યાં કાળા ઘઉં ની ખેતી વિષે જાંણી નવાઈ પામ્યા હતા જો કે કાળા કલર ના ઘઉં ની ખેતીને જોતા તેઓ ને પણ પોતાના ખેતર માં કાળા ઘઉં ની ખેતી કરવા ની ઈચ્છા થતાં તેમણે પંજાબ થી કાળા કલર ના ઘઉં નું બિયારણ મંગાવ્યું હતું અને અંકલેશ્વર તાલુકા ના જૂની દીવી ગામ ની સીમા માં આવેલ પોતાના ખેતર માં કાળા ઘઉં નું વાવેતર કર્યું છે ઈશ્વરભાઈ પ્રજાપતિ એ સમયસર પાણી અને ગૌમૂત્ર નો ઉપયોગ કર્યો છે હાલ માં કાળા ઘઉં નો પાક તૈયાર થતા તેઓ કાપણી કરવાની તજવીજ હાથ ધરી છે તેઓ એ કાળા ઘઉં અંગે જણાવ્યું હતું કે કાળા ઘઉં એ સામાન્ય દેખાતા ઘઉંની જેમ જ એક અનાજ છે પરંતુ તેની વિશેષતા એ છે કે આ ઘઉં એકદમ કાળા છે અને સામાન્ય ઘઉં કરતાં અનેક ગણા તાકતવર અને ગુણકારી ઘઉં છે કાળા ઘઉંમાં ફાઈબર, પ્રોટીન, મેગ્નેશિયમ, ઝીંક, પોટાશ અને આર્યન જેવા મહત્વપૂર્ણ પોષક તત્વો હોય છે જે માનવીમાં રોગોનું પ્રમાણ ઘટાડવામાં મહત્વપૂર્ણ ભૂમિકા ભજવે છે.
કાળા ઘઉંનો વપરાશ દરેક સીઝનમાં થઈ શકે છે કારણ કે તેમાં પોષક તત્વોનું પુષ્કળ પ્રમાણ હોય છે જે તમને દરેક સીઝનમાં ફીટ અને સ્વસ્થ રાખે છે કાળા ઘઉંનું સેવન કરવા થી હૃદયની બીમારીઓ નું જોખમ ઘટાડે છે બીપી, કિડની ના રોગો અસ્થમા જેવા રોગો સામે રક્ષણ આપે છે કાળા ઘઉંમાં મેગ્નેશિયમની માત્રા વધારે હોય છે ઉપરાંત કાળા ઘઉંમાં ટ્રાઇગ્લાઇસેરાઇડ તત્વો પણ હોય છે જે શરીરમાં કોલેસ્ટ્રોલનું સામાન્ય સ્તર જાળવી રાખે છે ઈશ્વરભાઈ પ્રજાપતિ એ હાલ ટ્રાયલ બેજ ઉપર બિયારણ તરીકે વાવતેર કર્યું છે અને તેમાં તેમને સફળતા પણ મળી છે.
ભાવેશ મુલાણી, બ્યૂરો ચિફ, ગુજરાત.


Previous articleસાકવા ગામમાં દીકરાના લગ્નમાં 200 થી વધુ માણસો એકઠા કરનાર વિરુદ્ધ જાહેરનામા ભાંગનો ગુનો દાખલ
Next articleઅંકલેશ્વર ના હસ્તી તળાવ ગ્રાઉન્ડ ખાતે વૃક્ષા રોપાણ કાર્યક્રમ યોજાયો

LEAVE A REPLY

Please enter your comment!
Please enter your name here