Home Gujarat ગુજરાતમાં 22-23 ઓગસ્ટ બે દિવસ કયાં વિસ્તારો માટે સૌથી ભારે બની રહેશે?...

ગુજરાતમાં 22-23 ઓગસ્ટ બે દિવસ કયાં વિસ્તારો માટે સૌથી ભારે બની રહેશે? હવામાને શું કરી મોટી આગાહી?

53
0

રાજ્યમાં હાલ ચારેબાજુ વરસાદી માહોલ બનેલો છે. ત્યારે ફરી એકવાર બંગાળની ખાડી પર એક વરસાદી સિસ્ટમ સક્રિય થઈ છે. હવામાન વિભાગના મતે આ સિસ્ટમ 22 અને 23 ઓગસ્ટે રાજ્યના અનેક વિસ્તારોમાં ભારેથી અતિભારે વરસાદ લાવશે.
હવામાન વિભાગનું માનીએ તો સૌરાષ્ટ્ર-કચ્છ, ઉત્તર ગુજરાતમાં ભારેથી અતિભારે વરસાદ પડી શકે છે. ત્યારબાદ 25 તારીખ પછી વરસાદનું જોર ઘટી શકે છે. પરંતુ 23 તારીખ બાદ વધુ એક સિસ્ટમ સક્રિય થવાની આશંકા છે. જે આવનારા સમયમાં રાજ્યમાં વરસાદ પાડશે.
ગુજરાતમાં આગામી 4 દિવસ ભારેથી અતિભારે વરસાદની હવામાન વિભાગે આગાહી આપી છે. હવામાન વિભાગે 22મી અને 23 ઓગસ્ટે ભારેથી અતિભારે વરસાદની આગાહી આપવામાં આવી છે. હવામાન વિભાગના મતે આજે દક્ષિણ ગુજરાતના ભરૂચ, નર્મદા, તાપી, સુરત, નવસારી, વલસાડ અને ડાંગ જિલ્લામાં વરસાદની આગાહી છે. સૌરાષ્ટ્રના જામનગર, દેવભૂમિ દ્વારકામાં ભારે વરસાદની આગાહી છે. 22 ઓગસ્ટે પોરબંદર અને મોરબી જિલ્લામાં ભારે વરસાદની આગાહી આપવામાં આવી છે.
હવામાન વિભાગની આગાહી પ્રમાણે બંગાળની ખાડીમાં લો પ્રેશર સક્રિય થયું છે. જે 23 ઓગસ્ટે તેની અસર દેખાડવાનું શરૂ કરશે. ગુજરાતના માછીમારોને આગામી 5 દિવસ સુધી દરિયો નહીં ખેડવાની સૂચના આપવામાં આવી છે.
છેલ્લા એક અઠવાડિયાથી ગુજરાતમાં વરસાદનો ત્રીજો રાઉન્ડ શરૂ થયો છે તે આ અઠવાડિયે પણ ચાલુ રહેશે. અત્યાર સુધીમાં ગુજરાતમાં સિઝનનો સરેરાશ 85 ટકા વરસાદ વરસ્યો છે. પરંતુ રાજ્યના 7 તાલુકા હજુ પણ એવા છે જ્યાં વરસાદની ઘટ છે. તો સૌરાષ્ટ્ર અને દક્ષિણ ગુજરાતના 10 તાલુકા એવા છે જ્યાં અતિવૃષ્ટિ થતાં ખેતરોમાં પાણી ભરાયેલાં છે અને ખેડૂતોને ચોમાસુ સિઝનમાં નુકસાનની આશંકા છે.


Previous articleકોરોનાની રસીના 50 લાખ ડોઝનો પહેલો ઓર્ડર ભારત સરકાર કોના માટે આપશે?
Next articleયાત્રાધામ ડાકોરમાં કોરા ના વાયરસ મહામારી માથુ ઉચકતાં વહીવટી તંત્ર દ્વારા પ્રાંત સાહેબ ના નેજા હેઠળ વ્યાપારીઓની મીટીંગ બોલાવવામાં આવી હતી

LEAVE A REPLY

Please enter your comment!
Please enter your name here