Home Gujarat CM વિજય રૂપાણીનું MEME ‘#મને_ખબર_નથી’ થયું ટ્વીટર પર ટ્રેન્ડ, જાણો તેની પાછળનું...

CM વિજય રૂપાણીનું MEME ‘#મને_ખબર_નથી’ થયું ટ્વીટર પર ટ્રેન્ડ, જાણો તેની પાછળનું કારણ

66
0

હાલ ટ્વીટર સહિતનાં સોશિયલ મીડિયામાં મુખ્યમંત્રી વિજય રૂપાણીનું મીમ ટ્રેન્ડ થઈ રહ્યું છે. અને ટ્વીટર પર તો તે ટોપ ટ્રેન્ડમાં આવી ગયું છે. સોશિયલ મીડિયામાં હાલ ગુજરાતીઓ મને ખબર નથી મીમ શેર કરી રહ્યા છે. જેમાં અનેક રમૂજી મીમ્સ પણ ટ્રેન્ડ થઈ રહ્યા છે. પણ મને ખબર નથી અને સીએમ રૂપાણી વચ્ચેનું કનેક્શન શું છે, તે અમે તમને જણાવીશું.




હકીકતમાં સુરતમાં કોરોનાનાં કેસોમાં ધરખમ વધારો થતાં સીએમ વિજય રૂપાણી અને નીતિન પટેલ સુરતની મુલાકાતે ગયા હતા. જે બાદ સીએમ રૂપાણીએ પ્રેસ કોન્ફરન્સને સંબોધન કર્યું હતું. આ સમયે તેમણે કલેક્ટર કચેરી ખાતે મનપા કમિશનર, અધિકારી, ધારાસભ્યો અને સરકારી હોસ્પિટલના અધિકારી-ડોક્ટરો સાથે બેઠક યોજી હતી. આ બેઠક બાદ મુખ્યમંત્રીએ પ્રેસ કોન્ફરન્સ સંબોધી હતી. જેમાં તેને એક પત્રકારે પૂછ્યું કે, પોઝિટિવ આંકડાની વાત કરીએ તો ગઈકાલે જિલ્લામાં 58 કેસ આવ્યા હતા. પરંતુ જયંતિ રવિ મેડમે 14 બતાવ્યા કેમ આમ?.જેના જવાબમાં મુખ્યમંત્રી રૂપાણીએ કહ્યું કે, મને ખબર નથી


બસ પછી તો શું હતું, સોશિયલ મીડિયામાં સીએમ વિજય રૂપાણીનો આ જવાબને લઈ લોકોએ મીમ્સ બનાવવાનું શરૂ કરી દીધું. અને જોતજોતામાં તો તે ટ્વીટર પર ટ્રેન્ડ થવા લાગ્યું. જે બાદ લોકોએ સરકારી નોકરી, વિકાસ સહિતનાં અનેક મુદ્દાઓને લઈ સવાલ પુછ્યા. જેનો સીએમ રૂપાણી પાસે એક જ જવાબ હતો, મને ખબર નથી.

Previous articleચીનને તેની દરેક હરકતનો મળશે ઘાતક જવાબ, આખી રાત સરહદ પર ગરજ્યા યુદ્ધ વિમાન
Next articleકોરોનાથી બચશો તો મોંઘવારી ઠાર મારશે! ફેસ માસ્ક અને સેનેટાઈઝને લઈ કેન્દ્રનું નવું ગતકડું

LEAVE A REPLY

Please enter your comment!
Please enter your name here