GUJARAT

રાજસ્થાન, મધ્યપ્રદેશ, ગુજરાત માં પણ કોલ્ડવેવની આગાહી કરવામાં આવી.

દિવસે પણ ઠંડા પવનો સીસકારો બોલાવી દે તેવી ઠંડી ગુજરાત સહિત દેશભરમાં જોવા મળી રહી છે. અને તેનું કારણ છે પહાડો પર થઇ રહેલી બરફવર્ષા  શ્રીનગર માં તાપમાન -5 ડીગ્રીની નીચે ઉતરી ગયું છે.. જ્યારે રાજસ્થાન, મધ્યપ્રદેશ, ગુજરાત પણ શીતલહેરની ઝપેટમાં આવી ગયા છે.

અમદાવાદ સહિત રાજ્યભરમાં હાડ થીજવતી ઠંડીનો ચમકારો યથાવત છે. જૂનાગઢ, કેશોદ સહિત સૌરાષ્ટ્રમાં કોલ્ડવેવની આગાહી કરવામાં આવી છે. કચ્છમાં પણ હજી બે દિવસ કોલ્ડવેવની અસર જોવા મળશે. નલિયામાં તાપમાનનો પારો 4 ડિગ્રીએ પહોંચ્યો છે, જ્યારે અમદાવાદમાં 9.9 ડિગ્રી તાપમાન, ગાંધીનગર, ડીસા, કંડલા એરપોર્ટ પર 8.8 ડિગ્રી, માઉન્ટ આબુમાં પણ ઠંડીનુ જોર યથાવત રહ્યું છે. માઇનસ 3 ડીગ્રી તાપમાનથી નક્કી લેકમાં બરફ જામ્યો છે.

ગુજરાતમાં આ સીઝનમાં અત્યાર સુધીના સૌથી કોલ્ડેસ્ટ ડેનો સામનો ગુજરાતીઓ કરી રહ્યાં છે. ત્યારે ગુજરાતીઓને હજુ બે દિવસ કાતિલ ઠંડી નો સામનો કરવો પડશે. ગુજરાતમાં હજુ 2 દિવસ સિવિયર કોલ્ડવેવની આગાહી હવામાન વિભાગ દ્વારા કરવામાં આી છે. રાજકોટ, ભાવનગર અને પોરબંદરમાં કોલ્ડવેવની આગાહી કરાઈ છે. ગુજરાતમાં હાડ થીજવતી ઠંડીથી લોકો રીતસરના ઠૂઠવાયા છે. હજુ આગામી બે દિવસ સુધી સૌરાષ્ટ્રના જુનાગઢ અને કેશોદમાં તેમજ કચ્છ પંથકમાં કોલ્ડવેવની અસર રહેશે તેવી હવામાન ખાતાએ આગાહી કરી છે.હવામાન ખાતાના આંકડા પ્રમાણે, ગુરૂવારે વલસાડ સિવાય રાજ્યના તમામ શહેરોમાં મહત્તમ તાપમાન 30 ડિગ્રી કરતા નીચું નોધાયું હતુ.

અત્રે નોંધનીય છે કે, જમ્મુ કાશ્મીરમાં ઠંડી 30 વર્ષનો રેકોર્ડ તોડી રહી છે. જાન્યુઆરીમાં આ વર્ષે કાશ્મીર સતત બરફની ચાદર તળે ઢંકાયેલું રહ્યું છે. બે દિવસ પહેલાં કાશ્મીરમાં થયેલી બરફવર્ષાની અસરથી તાપમાનનો પારો સતત નીચે સરકી રહ્યો છે. શ્રીનગરમાં લઘુત્તમ તાપમાન -5.6 ડીગ્રી સુધી નીચે ઉતરી ગયું. કાશ્મીરનાં પહાડી વિસ્તાર પહેલગામમાં -12.3 ડીગ્રી.. અને ગુલમર્ગમાં -13.4 ડીગ્રી તાપમાન નોંધાયું હતું. કેન્દ્રશાસિત પ્રદેશ લદ્દાખનાં મુખ્ય શહેર લેહમાં -16.8 ડીગ્રી તાપમાન, કારગીલમાં -21.3 ડીગ્રી અને દ્રાસમાં -28.1 ડીગ્રી તાપમાન નોંધાયું.

જમ્મુ કાશ્મીરમાં હજુ 31 જાન્યુઆરી સુધી ઠંડીથી રાહત મળવાની કોઇ શક્યતા નહીં હોવાનું હવામાન વિભાગ કહે છે કે 31 જાન્યુઆરી બાદ તાપમાનનો પારો થોડો ઉપર આવી શકે છે.. પણ જમ્મુ કાશ્મીર અને લદ્દાખમાં 2 અને 3 ફેબ્રુઆરીએ વરસાદ અને બરફવર્ષા થવાની પણ આગાહી છે. તો હિમાચલ પ્રદેશમાં એક સપ્તાહ સુધી બરફવર્ષાથી રાહત રહેવાની છે. પણ ઠંડીથી રાહત નથી મળવાની. હિમાચલનાં કેલંગમાં તાપમાન -11.9 ડીગ્રી નોંધાયું.. મનાલીમાં -0.8 ડીગ્રી.. સોલાનમાં 0.4 ડીગ્રી.. સિમલામાં 3.6 ડીગ્રી તાપમાન જોવા મળ્યું..

સિમલા કરતા પણ વધારે ઠંડી તો ગુજરાતનાં નલિયામાં જોવા મળી. નલિયામાં તાપમાન 3 ડીગ્રીથી પણ નીચે સરકી ગયું અને ગુજરાતમાં ઠંડીનો રેકોર્ડ તોડ્યો છે. શીતલહેરથી ભરબપોરે પણ ધ્રુજારી છૂટી જાય તેવી સ્થિતિ ગુજરાતમાં છે. નલિયામાં ઠંડીએ 8 વર્ષનો રેકોર્ડ તોડીને 2.8 ડીગ્રી તાપમાન દર્શાવ્યું છે. ગાંધીનગરમાં 7.7 ડીગ્રી અને અમદાવાદમાં 11 ડીગ્રી તાપમાન જોવા મળ્યું.. તો સૌરાષ્ટ્ર-કચ્છમાં પણ કોલ્ડવેવ યથાવત છે અને હજુ થોડા દિવસ ઠંડીથી રાહત મળવાની શક્યતા નથી.

ગુજરાતની જેમ રાજસ્થાન પણ ઠંડુગાર થઇ ગયું છે.. ઉત્તરની હવાઓને કારણે સમગ્ર રાજસ્થાનમાં કાતિલ ઠંડી ફેલાઇ છે. ઉદયપુરમાં 3.2 ડીગ્રી તાપમાન, માઉન્ટ આબુમાં તાપમાન -3 ડીગ્રી પર પહોંચી ગયું છે. તો પંજાબનાં અમૃતસરમાં પણ ઠંડીનો પ્રકોપ વધી રહ્યો છે.. અને હજુ આવી જ હાડ થીજવતી ઠંડી થોડા દિવસ સુધી યથાવત રહેવાની છે.

ઠંડીનો જાણો કયા કેવો છે પ્રકોપ

કાશ્મીરમાં બર્ફિલી ઠંડી

શ્રીનગરમાં લઘુત્તમ તાપમાન -5.6 ડીગ્રી
પહેલગામમાં -12.3 ડીગ્રી તાપમાન
ગુલમર્ગમાં -13.4 ડીગ્રી તાપમાન

લદ્દાખ થીજી ગયું

લેહમાં -16.8 ડીગ્રી તાપમાન
કારગીલમાં -21.3 ડીગ્રી
દ્રાસમાં -28.1 ડીગ્રી તાપમાન

હિમાચલમાં હાડ થીજવતી ઠંડી

કેલંગમાં તાપમાન -11.9 ડીગ્રી
મનાલીમાં -0.8 ડીગ્રી
સોલાનમાં 0.4 ડીગ્રી
સિમલામાં 3.6 ડીગ્રી

ગુજરાતમાં વધતી ઠંડી

ઠંડીએ 8 વર્ષનો રેકોર્ડ તોડ્યો
નલિયામાં 2.8 ડીગ્રી તાપમાન
ગાંધીનગરમાં 7.7 ડીગ્રી
અમદાવાદમાં 11 ડીગ્રી
સૌરાષ્ટ્ર-કચ્છમાં પણ કોલ્ડવેવ યથાવત

રાજસ્થાનમાં ઠંડીનો કહેર

ઉદયપુરમાં 3.2 ડીગ્રી તાપમાન
માઉન્ટ આબુમાં તાપમાન -3 ડીગ્રી

Leave a Reply

Your email address will not be published.