Home Gujarat ખેડૂતો માટે પોતાના ખેતરની આસપાસ તાર ફેન્સિંગની સહાય મુદ્દે મહત્વપૂર્ણ જાહેરાત કરાઈ...

ખેડૂતો માટે પોતાના ખેતરની આસપાસ તાર ફેન્સિંગની સહાય મુદ્દે મહત્વપૂર્ણ જાહેરાત કરાઈ છે.,….

11
0

આજે ગુજરાત વિધાનસભાના ચોમાસું સત્રનું ત્રીજું સત્ર શરૂ થયા પહેલા રાજ્ય સરકારે ખેડૂતોને એક જાહેરાતના ખુશખબર આપ્યા છે. ખેડૂતો માટે પોતાના ખેતરની આસપાસ તાર ફેન્સિંગની સહાય મુદ્દે મહત્વપૂર્ણ જાહેરાત કરાઈ છે. કૃષિમંત્રી આર સી ફળદુએ ખેડૂતો માટે જાહેરાત કરતા જણાવ્યું હતું કે, તાર ફેન્સિંગ સહાયમાં હવે ખેડૂતો માટે 5 હેક્ટરની જગ્યા ક્લસ્ટર માન્ય ગણાશે.
કૃષિમંત્રી ફળદુએ જણાવ્યું હતું કે, ચાલું વર્ષે સૌરાષ્ટ્ર, કચ્છમાં વધારે વરસાદ પડ્યો છે. અતિવૃષ્ટિથી ખેડૂતોને મોટાપાયે નુકસાન થયું છે તે મુદ્દે પણ જાહેરાત કરવામાં આવી છે. ફળદુએ જણાવ્યું કે, વધુ વરસાદથી જ્યાં પાકને વધુ નુકસાન થયું છે તેવા 20 જિલ્લાના 123 તાલુકામાં સહાય ચૂકવાશે. રાજ્ય સરકારે ખેડૂતો માટે રૂપિયા 3700 કરોડનું પેકેજ જાહેર કર્યુ છે. નાના ખેડૂતને રૂ.5000ની ઓછામાં ઓછી સહાય મળે તેવી જોગવાઈ પણ સરકાર કરી રહી છે.
તેમણે ઉમેર્યું હતું કે, મુખ્યમંત્રી વિજય રૂપાણીએ ખેડૂતો માટે પેકેજની જાહેરાત કરી છે. આ વર્ષે પણ નુકશાન થયું છે તેમા સૌરાષ્ટ્રના તમામ જિલ્લાને નુકશાનમાં આવરી લેવાયા છે. જિલ્લા વહીવટી તંત્ર દ્વારા સર્વે ના રિપોર્ટ આવ્યા અને SDRF પ્રમાણે સહાય કરવા જણાવ્યું છે. તાલુકા કક્ષાએ રેન્ડમ સર્વે કરવામાં આવ્યા છે. બિન પિયત ખરીફ સીઝનના કારણે હેકટરની મર્યાદામાં 6800 લેખે 2 હેકટર સુધી આપી શકશે અને રાજ્ય ફંડમાંથી 3200 ઉમેરો કરી 10 હજાર પ્રતિ હેકટ 2 હેકટર મર્યાદામાં અપાશે. સુરેન્દ્રનગર જિલ્લાના 2 લાખ 16 હજાર 863 ખેડૂત ખાતેદારોને પાક નિષ્ફળ જવા પર સહાય સીધી ખાતામાં જમા થશે.
ફળદુએ કોંગ્રેસ પર આક્ષેપ લગાવતા જણાવ્યું હતું કે, કોંગ્રેસ ખેડૂતોને ઉલ્લુ બનાવી રહી છે. સરકારે જાહેર કરેલી જાહેરાતનું ખોટું અર્થઘટન કરીને ખેડૂતોને ભ્રમિત કરવામાં આવી રહી છે. પરંતુ અમે અમારી જાહેરાત પછી પણ જે વિસ્તારો છૂટી ગયા હશે ત્યાં પણ સરવે કરાશે. સરકારની સહાય મેળવવા માટે ખેડૂતોએ 1 ઑક્ટોબરથી અરજી કરવાની રહેશે. જ્યારે ટેકાના ભાવે જણસીઓ ખરીદી કરાશે તેવું પણ ફળદુએ જણાવ્યું છે.
ફળદૂએ ઉમેર્યું હતું કે, આગામી સમયમાં રાજ્યના ખેડૂતોએ કોઈ ચિંતા કરવાની જરૂર નથી. પ્રતિહેક્ટર SDRFના ધોરણો પ્રમાણે 6800 મળવા પાત્ર હોય છે. રાજ્ય બજેટમાંથી 3200 ઉમરોને કરીને પ્રતિહેક્ટર 10 હજાર મળશે. વધુમાં વધુ બે હેક્ટરની મર્યાદામાં 20 હજાર સુધીની સહાય મળશે. ટેકાના ભાવે શરૂ કરાશે પાકની ખરીદી કરાશે. કેટલાક વિસ્તારમાં કોંગ્રેસ ખોટો પ્રચાર કરી રહ્યુ છે.


Previous articleઆજે ગૃહમાં રજૂ થનાર ગુજરાત ગુંડા અને અસામાજિક પ્રવૃત્તિઓ અટકાવવા વિધેયક પહેલા રાજ્યના ગૃહરાજ્યમંત્રી પ્રદીપસિંહ જાડેજાએ પાસા એક્ટ મુદ્દે મહત્વપૂર્ણ નિવેદન,..
Next articleયુનિવર્સિટી ગ્રાન્ટસ કમિશને અંડર ગ્રેજ્યુએટ અને પોસ્ટ ગ્રેજ્યુએટ કોર્સના ૨૦૨૦-૨૧ના શૈક્ષણિક સત્રના હંગામી કેલેન્ડરને ફાઈનલ મંજૂરી આપી છે….

LEAVE A REPLY

Please enter your comment!
Please enter your name here