Home India ભારતે પરમાણુ ક્ષમતાથી સંપન્ન પૃથ્વી 2 બેલિસ્ટિક મિસાઇલનું ફરી એકવાર સફળતાપૂર્વક પરીક્ષણ...

ભારતે પરમાણુ ક્ષમતાથી સંપન્ન પૃથ્વી 2 બેલિસ્ટિક મિસાઇલનું ફરી એકવાર સફળતાપૂર્વક પરીક્ષણ કરીને દોઢી નજર રાખનાર પાડોશીને સ્પષ્ટ સંદેશ આપી દીધો છે.

10
0

ભારતે પરમાણુ ક્ષમતાથી સંપન્ન પૃથ્વી 2 બેલિસ્ટિક મિસાઇલનું ફરી એકવાર સફળતાપૂર્વક પરીક્ષણ કરીને દોઢી નજર રાખનાર પાડોશીને સ્પષ્ટ સંદેશ આપી દીધો છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) દ્વારા તૈયાર શોર્ટ રેન્જ બેલિસ્ટિક મિસાઇલ (Prithvi short-range ballistic missile) નું સ્ટ્રેટેજિક ફોર્સ કમાન્ડ (એસએફસી) દ્વારા પરીક્ષણ કરવામાં આવ્યું છે. કદાચ બની શકે કે ચીન માટે આ સંદેશ છે કે જેણે તાજેતરમાં ડોકલામમાં પરમાણુ બોમ્બર તૈનાત કરી દીધા.
પૃથ્વી 2 મિસાઇલ દુશ્મનો ઉપર કાળ બની ત્રાટકશે
ઓરિસ્સાના બાલાસોર કાંઠેથી છોડવામાં આવેલ આ પૃથ્વી 2 મિસાઇલે એ તમામ લક્ષ્યોને ભેદયા જે પરીક્ષણ માટે પસંદ કરાયા હતા. આ જમીનથી જમીન પર પ્રહાર કરનાર આ મિસાઇલ પરમાણુ શસ્ત્રો વહન કરવામાં સક્ષમ છે. લગભગ અડધો ટન વજનવાળા પરમાણુ બોમ્બ વહન કરવામાં સક્ષમ મિસાઇલ 150 થી 600 કિ.મી. સુધી પ્રહાર કરી શકે છે. પૃથ્વી સીરીઝની ત્રણ મિસાઇલો છે – પૃથ્વી I, II અને III. તેની મારકક્ષમતા અનુક્રમે 150 કિમી, 350 કિમી અને 600 કિ.મી. સુધીની છે.
એરફોર્સ અને આર્મી બંને કાફલામાં સામેલ
ચાંદીપુર ખાતેના ઇન્ટિગ્રેટેડ ટેસ્ટ સેન્ટર (આઈટીઆર)થી અત્યાધુનિક મિસાઇલ પૃથ્વી 2ને અંધારામાં છોડવામાં આવી. આથી તે 350 કિ.મી. સુધીની રેન્જમાં લક્ષ્યોને બ્લાસ્ટ કરી શકે છે. ખાસ વાત એ છે કે પૃથ્વી શ્રેણીની મિસાઇલોને ભારતીય વાયુ સેના અને નૌસેનામાં સામેલ કરવામાં આવી છે.
ચીનની કુટીલ ચાલને જવાબ
ઉલ્લેખનીય છે કે લદાખમાં હજારો સૈનિકોને તૈનાત કરનાર ચીન હવે ભારતના પૂર્વ ભાગમાં તણાવનો નવો મોરચો ખોલી રહ્યું છે. ચીને ભૂતાનને અડીને આવેલા ડોકલામની પાસે એચ -6 પરમાણુ બોમ્બર અને ક્રૂઝ મિસાઇલને તૈનાત કરી છે. ચીન આ વિનાશકારી હથિયારોની તૈનાતી પોતાના ગોલમૂડ એરબેઝ પર કરી રહ્યું છે.
આ એરબેસ ભારતીય સરહદથી માત્ર 1,150 કિમી દૂર છે.
પરમાણુ બોમ્બર H-6ને ઠેકાણે પાડી દેશે પૃથ્વી 2
અગાઉ ચીને આ જીવલેણ બોમ્બરને અક્સાઇ ચીનના કાશગર એરબેઝ પર તૈનાત કરી હતી. ઓપન સોર્સ ઇન્ટેલિજન્સ એનાલિસ્ટ ડેટ્રેસ્ફા દ્વારા રજૂ કરવામાં આવેલી સેટેલાઇટ તસવીરોમાં આ બોમ્બરની સાથે કેડી-63 લેન્ડ એટેક ક્રૂઝ મિસાઇલ પણ જોવા મળી રહી છે. આ મિસાઇલની મારકક્ષમતા લગભગ 200 કિ.મી. જોકે પૃથ્વી 2 મિસાઇલની ક્ષમતા 350 કિ.મી. સુધીની રેન્જમાં ઘણા લક્ષ્યો સાધવાની છે.
ચીની એચ-6 બોમ્બર લાંબા અંતરના લક્ષ્યોને ટાર્ગેટ કરીને નિશાન બનાવા માટે ડિઝાઇન કરાઇ છે. આ વિમાન પરમાણુ હુમલા કરવામાં પણ સક્ષમ છે. ચીને આ વિમાનને ખાસ અમેરિકાના ગુઆમ બેઝને નિશાન બનાવા માટે સામેલ કર્યું છે. તેના અગાઉના મોડેલમાં મર્યાદિત મિસાઇલ ક્ષમતા હતી પરંતુ હવે તેને અપગ્રેડ કરીને હવે વધુ ઉન્નત બનાવી છે.


Previous articleSVP હોસ્પિટલ સહિત ડેઝિગ્નેટેડ ખાનગી હોસ્પિટલોમાં AMC ક્વોટાના વેન્ટિલેટર બેડ હાઉસફૂલ છે. આ વાતનો સ્વીકાર ખુદ એસવીપીના સંચાલકો રહી રહ્યાં છે…
Next articleરાજ્ય સરકારે છેલ્લા દિવસે ગુજરાત વિધાનસભામાં કેગનો રિપોર્ટ રજૂ કર્યો હતો. જેમાં રાજ્યમાં ચાલતી પરિસ્થિતિનો સચોટ ચિતાર આપવામાં આવ્યો હતો…

LEAVE A REPLY

Please enter your comment!
Please enter your name here