Home India મુકેશ અંબાણીએ વોરન બફેટને પછાડ્યા, મિલકતમાં થયો ધરખમ વધારો, જાણો હવે કોણ-કોણ...

મુકેશ અંબાણીએ વોરન બફેટને પછાડ્યા, મિલકતમાં થયો ધરખમ વધારો, જાણો હવે કોણ-કોણ આગળ?

10
0

રિલાયન્સ ઇન્ડસ્ટ્રીઝ(RIL)ના અધ્યક્ષ અને મેનેજિંગ ડિરેક્ટર મુકેશ અંબાણીએ નેટવર્થ મામલે દિગ્ગજ રોકાણકાર વોરન બફેટને પાછળી મૂકી દીધા છે. ફોર્બ્સ મેગેઝિનના રિયલ ટાઇમ બિલિયનેયર ઇંડેક્સથી આ માહિતી મળી છે. આ ઇન્ડેક્સ મુજબ મુકેશ અંબાણીની કુલ મિલકતમાં 2 અબજ ડોલરનો વધારો થયો છે.
આટલી છે વોરન બફેટની કુલ સંપત્તિ:
ઇન્ડેક્સ ડેટા મુજબ મુકેશ અંબાણીની નેટવર્થ 2 અબજ ડોલર વધીને 70.10 અબજ ડોલર થઈ ગઈ છે. જ્યારે વોરન બફેટની નેટવર્થ 68.2 અબજ ડોલર જ છે. તાજેતરમાં મુકેશ અંબાણી દુનિયાના 10 સૌથી ધનવાન વ્યક્તિઓમાં શામેલ થયા હતા. ફોર્બ્સના આ ઇન્ડેક્સમાં મુકેશ અંબાણી હવે 7માં ક્રમાકે પહોંચ્યા છે.
મુકેશ અંબાણીની સંપત્તિ વધાવાનું કારણ:
રિલાયન્સ ઇન્ડસ્ટ્રીઝના ચેરમેન મુકેશ અંબાણીની મિલકત વધવા વાછળનું કારણ આરઆઈએલના શેરોમાં આવેલ તેજી બતાવવામાં આવી રહ્યું છે. માર્ચ બાદથી અત્યાર સુધી RILના શેરોમાં બેગણો વધારો થયો છે. ખરેખર, તાજેતરમાં RILની ટેક્નોલોજી એકમ જિયો પ્લેટફોર્મ્સએ કેટલીક વૈશ્વિક કંપનીઓ સાથે કરારની જાહેરાત કરી હતી. જેમાં ફેસબુક પણ શામેલ છે. ત્યાર બાદથી જ RILના શેરોમાં તેજી જોવા મળી રહી છે. બીજી તરફ છેલ્લા ઘણા સમય સુધી દુનિયાના બીજા સૌથી મોટા અબજોપતિ રહી ચૂકેલા વોરન બફેટની કંપની બર્કશાયર હેથવે કેટલાક સમયથી અંડરપરફોર્મિંગ ઇન્ડેક્સમાં શામેલ રહી છે.
મુકેશ અંબાણીથી હવે કોણ આગળ?
અબજોપતિઓની યાદીમાં ટોપ પર એમેઝોનના ફાઉન્ડર જેફ બેજોસ છે. જ્યારે, માઇક્રોસોફ્ટના બિલ ગેટ્સ બીજા ક્રમાંકે છે. જ્યારે બર્નાર્ડ ઓર્નોલ્ટ ફેમિલી લિસ્ટમાં ત્રીજા ક્રમાંકે છે. આ સિવાય ફેસબુક ફાઉન્ડર માર્ક જકરબર્ગ ચોથા અને સ્ટીવ બોલ્મર 5માં અને લેરી એલિસન છઠ્ઠા ક્રમાંકે છે. આપને જણાવી દઈએ કે ફોર્બ્સ રિયલ ટાઇમ બિલિનેયર રેંકિંગ દર મિનિટે અપડેટ થતી હોય છે. જેમાં અબજોપતિઓની સંપત્તિનું આકલન તેમની કંપની અથવા શેરની કિંમતના આધારે નક્કિ કરવામાં આવે છે.

Previous articleસૌથી મોટો નિર્ણય: સુરતથી અમદાવાદ આવતા મુસાફરો ખાસ ચેતજો! ફરી એકવાર ST બસો બંધ કરાઈ
Next articleઅમેરિકામાં કોરોના બેકાબૂ થતા ટ્રમ્પે પોતાના માટે માસ્કને લઇ કરી મોટી વાત

LEAVE A REPLY

Please enter your comment!
Please enter your name here