Home Gujarat ગુજરાતના એક ગાયક કલાકાર સ્કૂલ બેગમાં ગાંજાની હેરાફેરી કરતા ઝડપાયા, SOG પોલીસે...

ગુજરાતના એક ગાયક કલાકાર સ્કૂલ બેગમાં ગાંજાની હેરાફેરી કરતા ઝડપાયા, SOG પોલીસે મોટો મુદ્દામાલ ઝડપ્યો

49
0

રાજ્યમાં હવે ગુનાખોરીનું પ્રમાણ દિવસેને દિવસે વધી રહ્યું છે, ત્યારે ગુજરાતના એક જાણીતા ગાયક કલાકાર ગાંજાના કેસમાં ઝડપાયા છે. આ ગાયક કલાકાર સ્કૂલ બેગમાં ગાંજાની હેરાફેરી કરતા હતા, ત્યારે ગુજરાત SOGના હાથે રંગેહાથે ઝડપાયા છે. SOGએ 16 કિલો 254 ગ્રામ ગાંજા સાથે ગાયક કલાકારની ધરપકડ કરી છે આ સિવાય કાર સહિત રૂપિયા 5 લાખનો મુદ્દામાલ પણ જપ્ત કરાયો છે. ગુજરાત SOGએ અમદાવાદ હાઇવે પરથી માલિયાસણ ચોકડી વચ્ચેથી આ ઘટનાનો પર્દાફાશ કર્યો હતો. આ ઘટનાની એસ.ઓ.જી પોલીસને ચોક્કસ બાતમી મળી હતી
આ ઘટનાની મળતી માહિતી પ્રમાણે, રાજકોટ એસ.ઓ.જીની ટીમને માલીયાસણ ચોકડીથી સોખડા ચોકડી વચ્ચે એક સફેદ કલરની i20 કાર પસાર થવાની છે જેમાં ગાંજાનો જથ્થો રહેલો છે આ ચોક્કસ બાતમીના આધારે પગેરું ગોઠવીને રાજકોટ અમદાવાદ હાઇવે પર આવેલા માલીયાસણ ચોકડીથી સોખડા ચોકડીની વચ્ચેથી પસાર થઈ રહેલી કારમાં તપાસ હાથ ધરતા ગાંજાના મોટો જથ્થો ઝડપી પાડ્યો છે.
એસ.ઓ.જીની ટીમ દ્વારા હાઈવે પર ચેકિંગ હાથ ધરાયું હતું. હાઇવે પરથી ચોક્કસ ગાડી પસાર થતાં ગાડીની તલાશી લેવામાં આવી હતી જેમાં ગાડીમાંથી પાછળની સીટમાં સ્કૂલબેગ જેવા બે કાળા કલરના થેલા હતા. થેલાની અંદરથી 3-3 બોક્ષ એટલે કે કુલ છ બોક્સ ભરીને ગાંજો લઈ જવામાં આવી રહ્યો હતો. પોલીસે કારચાલકની પૂછપરછ કરતાં તેનું નામ મનીષદાન બાદાણી કે જે ગાયક કલાકાર છે જેની પાસેથી પોલીસે છ બોક્સમાં ફુલ 16.254 કિલોનો ગાંજાનો મોટો જથ્થો જપ્ત કર્યો છે. પોલીસને બોક્સ માંથી જે પદાર્થ મળી આવ્યો હતો.
જેને એફ.એસ.એલ ના અધિકારીઓ દ્વારા પણ તપાસ કરી હતી અને ગાંજો હોવાની પણ પુષ્ટી કરી છે. હાલ તો એસ.ઓ.જી પોલીસે 97000ના ગાંજાના જથ્થા સાથે પાંચ લાખથી વધુનાં મુદામાલ કબ્જે કર્યો છે અને ગાયક કલાકાર મનીષદાન ની ધરપકડ કરી આગળની કાર્યવાહી પણ હાથ ધરી છે.


Previous articleગલવાન જેવી ઘટના ફરી ના કરવા ભારત-ચીન વચ્ચે સહમતિ, 72 કલાક સૌથી મહત્વનાં
Next articleસ્વામિનારાયણ સ્વામી- સ્ત્રીમિત્રનું બીભત્સ ચેટિંગ વાયરલ, ‘કેટલી કિસ આપશો હેં, ફોર્સ નહીં મારી ઇચ્છા હશે તો હું ના નહીં કહું’

LEAVE A REPLY

Please enter your comment!
Please enter your name here