Home Gujarat લોક રક્ષક દળની ભરતી : ડીસેમ્બરમાં યોજાઈ શકે છે શારીરિક કસોટી

લોક રક્ષક દળની ભરતી : ડીસેમ્બરમાં યોજાઈ શકે છે શારીરિક કસોટી

119
0

એડિશનલ ડીજીપી હસમુખ પટેલે ટ્વિટ કરીને આ અંગે જણાવ્યું હતું કે 1થી 10 ડિસેમ્બર દરમિયાન શારીરિક કસોટી યોજાશે.


રાજ્યમાં લોક રક્ષક દળની ભરતીને લઇ સૌથી મોટા સમાચાર સામે આવ્યાં છે. તાજેતરમાં જ થોડી જ ક્ષણો પહેલાં પોલીસ ભરતી બોર્ડના અધ્યક્ષ દ્વારા વધુ એક મોટી જાહેરાત કરવામાં આવી છે. હસમુખ પટેલે ટ્વિટ કરીને લોકરક્ષક ભરતી અંગે મહત્વની જાહેરાત કરી છે. તેઓએ ટ્વિટ કરીને જણાવ્યું છે કે, ‘લોકરક્ષક ભરતીની જાહેરાતમાં વિલંબ થતાં હવે શારીરિક કસોટી ડિસેમ્બરની 1 થી 10 તારીખની વચ્ચે શરૂ થવાની સંભાવના છે.’


ઉલ્લેખનીય છે કે, તાજેતરમાં જ એડિશનલ ડીજીપી હસમુખ પટેલે ટ્વિટ કરીને જણાવ્યું હતું કે, ‘લોકરક્ષક ભરતીની ટૂંકમાં જાહેરાત થશે. 31 માર્ચ 2021 બાદ લાયક ઠરેલ ઉમેદવારોને પણ તક મળે તે હેતુથી પોલીસ સબ ઇન્સ્પેક્ટર ભરતી બોર્ડે તારીખ 20/10/21 ના રોજ અરજીઓ મંગાવી છે. https://ojas.gujarat.gov.in/AdvtList.aspx?type=lCxUjNjnTp8%3d પર અરજી કરી શકાશે. લોકરક્ષક ભરતીની જાહેરાત પણ ટૂંક સમયમાં આપવામાં આવશે.’

અત્રે નોંધનીય છે કે, આગામી દિવસોમાં શરૂ થનારી પોલીસ ભરતીને લઈ સૌથી મહત્વના સમાચાર સામે આવ્યાં હતાં કે, પોલીસ સબ ઇન્સ્પેક્ટર અને લોક રક્ષક દળની ભરતી માટે એક જ શારીરિક કસોટી લેવાશે. દિવાળી બાદ નવેમ્બરમાં આ શારીરિક કસોટી યોજાશે. બંને માટે ફોર્મ ભરનાર ઉમેદવારોએ એક જ પરીક્ષા આપવાની રહેશે. આ અંગે ભરતી બોર્ડના અધ્યક્ષ હસમુખ પટેલે સોશિયલ મીડિયામાં માહિતી શેર કરી હતી.

નોંધનીય છે કે, રાજ્યમાં કાયદો અને વ્યવસ્થાની પરિસ્થિતિ વધુ સુદૃઢ બને તે માટે કોવિડના કારણે પેન્ડીંગ રહેલી પોલીસ વિભાગની ભરતીની કાર્યવાહી ઝડ૫થી થાય તે હેતુસર મુખ્યમંત્રી ભૂપેન્દ્ર પટેલ દ્વારા રાજ્યના ગૃહ વિભાગ હસ્તક વિવિધ પોલીસ સંવર્ગની 27,847 જગ્યાઓ ભરવાનો મહત્વનો નિર્ણય કરાયો છે એમ ગૃહ રાજ્યમંત્રી હર્ષ સંઘવીએ જણાવ્યું હતું.

ગૃહ રાજ્યમંત્રી હર્ષ સંઘવીએ જણાવ્યું હતું કે, ‘રાજ્ય સરકારે આગામી 100 દિવસમાં રાજ્યમાં બિન હથિયારી પોલીસ સબ ઈન્સ્પેક્ટર, હથિયારી પોલીસ સબ ઈન્સ્પેક્ટર (પ્લાટુન કમાન્ડર), ઈન્ટેલિજન્સ ઓફિસર, બિન હથિયારી આસિસ્ટન્ટ સબ ઈન્સ્પેક્ટર, લોકરક્ષક તથા મોટર ટ્રાન્સપોર્ટ અને વાયરલેસ જેવાં ટેક્નિકલ સંવર્ગોના પોલીસ સબ ઈન્સ્પેક્ટર અને ટેક્નિકલ ઓપરેટર તથા હોમગાર્ડ્સ અને ગ્રામ રક્ષક દળ (માનદ) ની મળીને અંદાજીત 27,847 જગ્યાઓ માટેની ભરતીનું આયોજન કરવાનો મહત્વનો નિર્ણય કર્યો છે.’

Previous articleઆણંદ ફૂડ વિભાગની કાર્યવાહી : અખાદ્ય ખોરાક વેચતી 21 પેઢીને 19 લાખનો દંડ ફટકાર્યો
Next articleનડિયાદ : અમદાવાદ-વડોદરા એક્સપ્રેસ હાઈવે પર ટ્રેલરમાં લાગી આગ

LEAVE A REPLY

Please enter your comment!
Please enter your name here