Home Gujarat ‘ગુરૂજીને ગાદલૂ ગિફ્ટ કરવું છે’ કહીને અમદાવાદમાં ગ્રાહકના સ્વાંગમાં લૂંટ, વેપારીઓ માટે...

‘ગુરૂજીને ગાદલૂ ગિફ્ટ કરવું છે’ કહીને અમદાવાદમાં ગ્રાહકના સ્વાંગમાં લૂંટ, વેપારીઓ માટે ચેતવણીરૂપ કિસ્સો

73
0

શહેરમાં લોકડાઉન પછી હવે ધીમેધીમે ગુનાખોરીનું પ્રમાણ વધી રહ્યું છે. ત્યારે અમદાવાદમાં ગ્રાહકના સ્વાંગમાં લૂંટના કેસમાં વધારો કરતી એક ઘટના ઘોડાસરમાં બની છે.ઘોડાસરમાં બે ગઠીયા વેપારીને લૂંટી ફરાર થઈ ગયા છે. ગ્રાહકના સ્વાંગમાં આવેલા લૂંટારુઓએ વેપારીને ગાદલાનો ભાવ પૂછવાના બહાને નશીલો પદાર્થ સુંઘાડી બેહોશ કર્યા હતા. બાદમાં વેપારીના હાથમાં રહેલી વીંટી, દાગીના અને ઘડિયાળ લઈ ફરાર થઈ ગયા હતા. આ ઘટના બાદ વટવા પોલીસે ગુનો નોંધી આગળની તપાસ હાથ ધરી છે.
આ ઘટનાની મળતી માહિતી પ્રમાણે, ઘોડાસર વિસ્તારમાં નિગમ બગલો ખાતે રહેતાં દયાલદાસ ખુશાલદાસ ફીફાણી (ઉં,75) બચુરામ આશ્રમની બાજુમાં આવેલ સૂર્યકીરણ કોમ્પ્લેક્સમાં ગાયત્રી કૃપા ફોમના નામે ડનલોપના ગાદલાનો વેપાર કરે છે. ગત તા.19 ઓગસ્ટના રોજ દયાલદાસ સવારે 9 વાગ્યે દુકાને પહોંચ્યા હતા. સવારે 9.30 વાગ્યે તેમની દુકાને બે શખ્સ આવ્યા હતા.જેમાં એક શખ્સ બહાર ઉભો રહ્યો તેમજ માથે સફેદ ટોપી, સફેદ શર્ટ અને પીળું પેન્ટ પહેરેલો શખ્સ દુકાનમાં આવ્યો હતો. તે વ્યક્તિએ ડનલોપના ગાદલાનો ભાવ પૂછતાં દયાલદાસે રૂ. 2250નો ભાવ કીધો હતો.
ભાવ પૂછનાર વ્યક્તિએ જણાવ્યું કે, ગુરૂજીને ગાદલૂ ગિફ્ટ કરવુ છે, તો હું મારા ગુરુજીને બોલાવી તેમને બતાવી હું લઈ જઈશ. બાદમાં આ શખ્સે દયાલદાસને 1100 રોકડા બાના પેટે આપ્યા અને તેમની સાથે વાતો કરવા લાગ્યો હતો. આ વ્યક્તિએ વાતો વાતોમાં દયાલદાસને નશાયુક્ત પદાર્થ સુંઘાડતા તેઓ બેહોશ થઈ ગયા. બાદમાં આરોપીઓએ તેમના હાથની આંગળીમાંથી 22 હજારની સોનાની વીંટી અને હાથમાં પહેરેલી દુબઈની કેશિયો કંપનીની રૂ.1500ની ઘડિયાળ કાઢી લીધી અને ફરાર થઈ ગયા
દયાલદાસ હોશમાં આવ્યા તો સોનાની વીંટી અને ઘડિયાળ હાથમાંથી ગાયબ હતા, જ્યારે ગ્રાહકના સ્વાંગમાં આવેલા શખ્સો ફરાર થઈ ગયા હતા. દયાલદાસએ તેમના પુત્રને બનાવની જાણ કરી દુકાને બોલાવ્યા હતા. આ ઘટનાની ફરિયાદ 12 દિવસ બાદ મંગળવારે રાત્રે વટવા પોલીસ સ્ટેશનમાં નોંધાવી હતી.


LEAVE A REPLY

Please enter your comment!
Please enter your name here