Home International જોર્જિયાના સેક્રેટરી ઓફ સ્ટેટ બ્રાંડ રેફેંસપરએ કહ્યું હતું કે, ઓડિટથી પુષ્ટિ...

જોર્જિયાના સેક્રેટરી ઓફ સ્ટેટ બ્રાંડ રેફેંસપરએ કહ્યું હતું કે, ઓડિટથી પુષ્ટિ થઇ ગઇ છે કે મશીન દ્વારા કરવામાં આવેલી ગણતરી સાચી હતી.

23
0

અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump)ને વધુ એક ઝાટકો લાગ્યો છે. અમેરિકાની ચૂંટણીમાં ગેરરીતિ થયાના આરોપો લગાવીને જોર્જિયા (Georgia)માં હાથ ધરવામાં આવેલી મતોની ફેરગણતરીમાં પણ જો બાઇડેન (Joe Biden)ને જીત થઈ છે અને ટ્રમ્પનો પરાજય થયો છે. સ્થાનિક ચૂંટણી અધિકારીઓએ (Election Officer) જણાવ્યું કે બાઇડેન સામાન્ય અંતરથી ચૂંટણી જીતી ગયા છે.
જોકે ચૂંટણી પ્રક્રિયામાં સામાન્ય ખામી ધ્યાને જરૂરથી આવી છે. જ્યોર્જિયામાં બાઈડેન એકદમ પાતળી સરસાઈથી જીત્યા છે. આ સાથે જ ડોનાલ્ડ ટ્રમ્પ (Donald Trump)ના દાવાઓ પોકળ સાબિત થયા છે અને રિપબ્લિકન પાર્ટી (Republican Party) ના ગઢમાં બાઈડેને જીત મેળવીને ડંકો વગાડ્યો છે.
જોર્જિયાને રિપબ્લિકનનો ગઢ ગણવામાં આવે છે. માટે જ પરીણામ બાઇડેનના પક્ષમાં આવતા જ ડોનાલ્ડ ટ્રમ્પે તેને સ્વિકાર કરવાનો ઈનકાર કરી દીધો હતો. જોકે હવે લોકોએ રિપબ્લિકન ટ્રમ્પના સ્થાને ડેમોક્રેટ બાઇડેન પર પોતાની પસંદગી ઉતારી હોવાનું સાબિત થઈ ગયું છે. જોર્જિયાના સેક્રેટરી ઓફ સ્ટેટ બ્રાંડ રેફેંસપરએ કહ્યું હતું કે, ઓડિટથી પુષ્ટિ થઇ ગઇ છે કે મશીન દ્વારા કરવામાં આવેલી ગણતરી સાચી હતી.
બ્રાંડ રેફેંસપર આગળ ઉમેર્યું હતું કે, બીજા રિપબ્લિકનની માફક હું પણ તે હારથી નિરાશ છું, પરંતુ મારું માનવું છું કે નંબર ખોટું બોલતા નથી. વોટોની જે સંખ્યા આજે અમને બતાવવામાં આવી છે, મને તેના પર વિશ્વાસ છે. તમને જણાવી દઇએ કે બ્રેંડ રેફેંસપર પોતાને ટ્રમ્પના સમર્થન ગણાવતા આવ્યા છે.
આ જીત સાથે જ બાઇડેન લગભગ 3 દાયકા બાદ આ મહત્વપૂર્ણ રાજ્યમાં જીતનાર પહેલાં ડેમોક્રેટ બની ગયા છે. જોર્જિયામાં બાઇડેનએ 14,000થી વધુ મતોથી ચૂંટણી જીતી હતી. જોકે રિકાઉન્ટિંગમાં સામાન્ય ખામી સામે આવી. જેના લીધે તેમની જીતનું અંતર 0.5 ટકા રહી ગયું. એટલે તેમણે સામાન્ય અંતરથી જીત મેળવી છે.
બીજી બાજુ જોર્જિયાના વોટિંગ સિસ્ટમ ઇમ્પ્લીમેંટેશન મેનેજર અને રિપબ્લિકન ગ્રેબ્રિયન સ્ટર્લિંગેને જણાવ્યું હતું કે, મશીનોને લઇને કેટલીક ફરિયાદો મળી હતી. જેમાં સૌથી મુખ્ય હતી મશીનોમાં વોટ બદલાઇ ગયાની. પરંતુ જોર્જિયામાં એવું કંઈ બન્યું જ નહોતુ તે અમે સાબિત કર્યું છે.


Previous articleકોરોનાનો કહેર વધી રહ્યો છે ત્યારે બીજી તરફ ભાજપના નેતાઓ રેલી નીકાળી રહ્યા છે.
Next articleઅમદાવાદમાં કરફ્યૂનો ભંગ કરી બહાર નીકળતા લોકો સામે પોલીસે કડક કાર્યવાહી કરી છે.

LEAVE A REPLY

Please enter your comment!
Please enter your name here