Home India નેશનલ ઇન્વેસ્ટિગેશન એજન્સી (NIA) એ પશ્ચિમ બંગાળ અને કેરળમાં પાકિસ્તાન દ્વારા પ્રાયોજિત...

નેશનલ ઇન્વેસ્ટિગેશન એજન્સી (NIA) એ પશ્ચિમ બંગાળ અને કેરળમાં પાકિસ્તાન દ્વારા પ્રાયોજિત અલકાયદાના મોટા આતંકવાદી મોડ્યુલનો પર્દાફાશ કર્યો છે…

3
0

નેશનલ ઇન્વેસ્ટિગેશન એજન્સી (NIA) એ પશ્ચિમ બંગાળ અને કેરળમાં પાકિસ્તાન દ્વારા પ્રાયોજિત અલકાયદાના મોટા આતંકવાદી મોડ્યુલનો પર્દાફાશ કર્યો છે. તપાસ એજન્સીએ શનિવારે આ કેસમાં 9 આતંકવાદીઓની ધરપકડ કરી છે. એવું કહેવાય છે કે આ આતંકવાદીઓ રાષ્ટ્રીય રાજધાની ક્ષેત્ર સહિત દેશના ઘણા વિસ્તારોમાં આતંકવાદી હુમલાની ફિરાકમાં હતા. NIA એ કહ્યું કે તપાસમાં બહાર આવ્યું છે કે આ બધા સોશિયલ મીડિયા દ્વારા પાકિસ્તાન સ્થિત આતંકવાદી સંગઠન અલ-કાયદા સાથે જોડાયેલા હતા અને ત્યાંથી કટ્ટરપંથી બન્યા હતા.
બંગાળથી 9 આતંકીઓની ધરપકડ
NIA એ શનિવારે મોડ્યુલ જાહેર કરતાં પશ્ચિમ બંગાળથી 9 અલ કાયદાના આતંકવાદીઓની ધરપકડ કરી છે. આતંકીઓની ઓળખ કેરળના અબુ સુફિયાં, લેઉ યીન અહમદ અને મુર્શીદ હસન, મોસારફહ હસન તરીકે થઈ છે.
હથિયાર-જેહાદી સાહિત્ય મળ્યું
પકડાયેલા આતંકવાદીઓ પાસેથી જેહાદી સાહિત્ય, દેશી બંદૂકો, પોઇંટ હથિયારો, સ્થાનિક બોડી બખ્તર, વિસ્ફોટક વસ્તુઓ, ડિજિટલ ડિવાઇસ અને દસ્તાવેજો મળી આવ્યા છે. તેમના નાપાક મંસૂબો માટે આ મોડ્યુલ સક્રિયતાથી ફંડ એકત્ર કરવામાં લાગ્યા હતા અને હથિયારો માટે દિલ્હી પણ જવાની તૈયારી કરી રહ્યા હતા.
કોર્ટમાં રજૂ કરવામાં આવશે
પકડાયેલા તમામ આતંકવાદીઓને કેરળ અને પશ્ચિમ બંગાળની સંબંધિત અદાલતો સમક્ષ પોલીસ કસ્ટડી અને વધુ તપાસ માટે રજૂ કરવામાં આવશે.
આતંકવાદીની દિલ્હીથી ધરપકડ પણ કરાઈ હતી
ગયા મહિને જ દિલ્હી પોલીસના વિશેષ સેલે એન્કાઉન્ટર દરમ્યાન ધૌલાકુઆંથી ISISના શંકાસ્પદ આતંકવાદી અબુ યુસુફ ઉર્ફે મુસ્તકીમની ધરપકડ કરી હતી. યુપીના બલરામપુરનો રહેવાસી યુસુફ દિલ્હી અને ઉત્તર પ્રદેશમાં હુમલાની યોજના ઘડી રહ્યો હતો. શંકાસ્પદ આતંકવાદીના નિશાના પર અયોધ્યામાં નિર્માણ થઇ રહેલ રામ મંદિર પણ હતું.

Previous articleકંગના રનૌતની ઓફિસમાં તોડફોડ મામલે બે કરોડ રૂપિયાની ભરપાઈ કરવાની માંગ કરતા બોમ્બે હાઈકોર્ટમાં દાખલ કરેલી અરજી ઉપર બીએમસીએ સોગંદનામું દાખલ કર્યું છે.
Next articleઅમદાવાદમાં હાલ ચોંકાવનારો કિસ્સો સામે આવ્યો છે. અમદાવાદના વેજલપુરમાં બેન્ક સાથે ઠગાઈનો કિસ્સો સામે આવ્યો છે….

LEAVE A REPLY

Please enter your comment!
Please enter your name here