International

WHOનાં ચીનમાં ધામા, કોરોનાની હકીકત છુપાવવા ડ્રેગને આખા વુહાનને ધકેલ્યું મોતનાં મુખમાં!

ચીનનાં હુબેઈ પ્રાંતમાં સતત થઈ રહેલા વરસાદનાં કારણે હવે પુરની સ્થિતિ પેદા થઈ ગઈ છે. આની પાછળ વરસાદ ઉપરાંત થ્રી ગૉર્જેસ ડેમથી પાણી છોડવામાં આવવાને પણ એક મોટું કારણ છે. આના કારણે અનેક વિસ્તારોમાં એલર્ટ જાહેર કરવામાં આવી ચુક્યુ છે અને હુબેઈનાં વુહાનમાં દરેક જગ્યાએ પાણી-પાણી થઈ ગયું છે. આ દરમિયાન ચીનની કૉમ્યુનિસ્ટ પાર્ટીની સરકાર અનેક પ્રશ્નોનાં ઘેરામાં આવી ગઈ છે. સરકાર દાવો કરતી રહી છે કે આ ડેમ સંપૂર્ણ રીતે સુરક્ષિત છે, જ્યારે પર્યાવરણવિદ આરોપ લગાવતા રહ્યા છે કે અત્યંત વધારે પાણી હોવાના કારણે આ ડેમ તૂટવાની કગાર પર પહોંચી ગયો હતો અને આ કારણે આનાથી પાણી છોડવાનો નિર્ણય કરવામાં આવ્યો.

WHOની તપાસથી બચવા માટે ચીનનું ષડયંત્ર

એટલું જ નહીં કેટલાક સામાજિક કાર્યકર્તાઓનો એ પણ દાવો છે કે કોરોના વાયરસ પર WHOની તપાસથી બચવા માટે સરકારે જાણી જોઇને આવું કર્યું છે. એશિયાની સૌથી મોટી નદી યાંગજે ઉપર હુબેઈમાં બનેલો થ્રી જૉર્જ ડેમ દુનિયાનો સૌથી મોટો ગ્રેવિટી હાઇડ્રોઇલેક્ટ્રિક સિસ્ટમ છે. આને બનાવવામાં જ 1994-2012નો સમય લાગ્યો હતો. આ વિશાળ ડેમ 2,309 મીટર લાંબો અને 185 મીટર ઊંચો છે. આમાં 5 વર્ષનું શીપ લૉક અને 34 હાઇડ્રોપાવર ટર્બો-જનરેટર છે. ચીનની સરકાર દાવો કરતી રહી છે કે આ પ્રોજેક્ટનો ઉદ્દેશ ફક્ત પાણીથી વીજળી બનાવવાનો હતો, નદીને કંટ્રોલ કરવાનો નહીં, પરંતુ હવે સરકારે માન્યું છે કે સતત થઈ રહેલા વરસાદનાં કારણે તેણે ડેમથી પાણી છોડ્યું છે.

વિશ્વ સ્વાસ્થ્ય સંગઠનનાં એક્સપર્ટ્સ ચીનમાં

માનવ અધિકાર કાર્યકર્તા જેનિફર જેંગે આરોપ લગાવ્યો છે કે વરસાદથી ડેમમાં પાણી વધારવાનાં કારણે આના ગેટ નથી ખોલવામાં આવ્યા. તેમનો દાવો છે કે ચીની સરકાર જાણી જોઇએ હુબેઈમાં પાણી છોડી રહ્યું છે જેથી વુહાનમાં પુરની સ્થિતિ પેદા કરી શકાય. આ પાછળ કોરોના વાયરસની મહામારી ફેલવાની તપાસને તેમણે કારણ ગણાવ્યું છે. ઉલ્લેખનીય છે કે વિશ્વ સ્વાસ્થ્ય સંગઠનનાં એક્સપર્ટ્સ ચીનમાં છે અને તેઓ વુહાનમાં વાયરસનાં ફેલવાને લઇને તપાસ કરવાના છે. ચીન પર એ વાતનાં આરોપ લાગતા રહ્યા છે કે વુહાનની વાયરોલોજી લેબથી કોરોના વાયરસ ફેલાયો હતો અને પછી ચીને આને રોકવાની જગ્યાએ જાણકારી છુપાવી. જેંગનો દાવો છે કે આ તપાસમાં રોડા અટકાવવા અથવા પુરાવાનો નાશ કરવા માટે ચીન આવું કરી રહ્યું છે.

13 લાખ લોકોને પહેલા જ વિસ્થાપિત કરવામાં આવ્યા

આ પ્રોજેક્ટ હંમેશાથી વિવાદમાં રહ્યો છે. પર્યાવરણ કાર્યકર્તાઓનું કહેવું છે કે આનાથી આસપાસનાં વિસ્તારોમાં ભૂસ્ખળન, પુર અને નદીની ઇકોલોજીને ખતરો પેદા થઇ ગયો છે. ત્યાં સુધી કે 2012માં આના બન્યા બાદ જ આસપાસનાં ઘરો પર સંકટ છે અને બાડોન્ગ કાઉન્ટીનાં હજારો લોકોને હટાવવામાં આવ્યા હતા. આને બનાવવાને લઇને લગભગ 13 લાખ લોકોને પહેલા જ વિસ્થાપિત કરવામાં આવ્યા હતા. એક્સપર્ટનો દાવો છે કે આનાથી ભૂકંપનો ખતરો પણ પેદા થઈ ગયો છે.

Leave a Reply

Your email address will not be published.